ՕՐԱՑՈՒՅՑՆԵՐ ՊԱՏԻ
ՕՐԱՑՈՒՅՑՆԵՐ ՍԵՂԱՆԻ
ԱՅՑԵՔԱՐՏԵՐ
ՆՈԹԱՏԵՏՐԵՐ
A4 ԲՈՒԿԼԵՏՆԵՐ
ՖԼԱՅԵՐՆԵՐ
ՖԻՐՄԱՅԻՆ ԲԼԱՆԿՆԵՐ
ԹՂԹԱՊԱՆԱԿՆԵՐ
ԾՐԱՐՆԵՐԻ ՏՊԱԳՐՈՒԹՅՈՒՆ
ՄԵՆՅՈՒՆԵՐԻ ՊԱՏՐԱՍՏՈՒՄ
ՊԱՍՏԱՌՆԵՐ


Our Partners
Matit Creative Studio Zenith Photo Studio
Օգտակար Ինֆորմացիա
Տպագրական ֆայլի պատրաստման նախապայմաններ

1. Ընդունվող թվային կրիչներ

- Լազերային թվային կրիչներ` CD, C-RW, DVD, DVD-RW
- USB Flash քարտ

2. Ընդհանուր պայմաններ

Ֆայլի գունային համակարգը պետք է լինի`
- CMYK - գունավոր տպագրության համար
- Grayscale - միագույն (սև/սպիտակ) տպագրության համար
ՈՒշադրություն.
Թվային եղանակով հնարավոր չէ տպագրել Pantone համակարգի գույներ, իսկ RGB գունային համակարգի օգտագործման դեպքում, գույնի ոչ ճիշտ տպագրման պատասխանատվությունը կրում է Պատվիրատուն:

Նախընտրելի Ֆայլի ֆորմատները`
- Վեկտորային պատկերի դեպքում`*.eps, *.ai, *.cdr, *.pdf
- Ռաստրային պատկերի դեպքում`*.eps, *.tif, *.psd, *.pdf

Օգտագործվող ծրագրերը`
- AdobeI llustrator, CorelDraw - վեկտորային աշխատանքների համար
- Adobe Photoshop - ռաստրային աշխատանքների համար
- Adobe InDesign, QuarkXPress - էջկապի, բազմաէջանոց աշխատանքների համար
ՈՒշադրություն. Խորհուրդ չի տրվում տպագրական ֆայլեր պատրաստել գրասենյակային ծրագրերով (Word, Excel, Publisher և այլն):

Վեկտորային ծրագրերում պատրաստված ֆայլերը թվային կրիչի վրա պետք է ներառվեն 2 տարբերակով`
- առաջին տարբերակում բոլոր օգտագործված տառատեսակները պետք է վերածվեն կորերի,
- երկրորդ տարբերակում բոլոր օգտագործված տառատեսակները պետք է խմբագրման ենթակա լինեն և առանձին «Fonts» թղթապանակով(folder) ներառվեն թվային կրիչի մեջ:

Ֆայլը տպագրության նախապատրաստելիս խորհուրդ է տրվում օգտագործել առավելապես PostScript տառատեսակներ` տպագրության ընթացքում հնարավոր սխալներից խուսափելու համար:

Մեկ աշխատանքի մեջ խորհուրդ է տրվում օգտագործել ոչ ավել քան 3 տառատեսակ: Օգտագործված բոլոր տառատեսակները պետք է ներառվեն թվային կրիչի մեջ` առանձին ««Fonts» թղթապանակով(folder):

Տպագրության համար նախատեսվող ռաստրային պատկերների որակը պետք է լինի 260-350dpi: Խորհուրդ է տրվում վեկտորային կամ էջկապի ծրագրեր ռաստրային պատկերներ ներմուծելիս, դրանց իրական չափսերը սահմանել Photoshop ծրագրում:

Վեկտորային կամ էջկապի ծրագրեր ներմուծված ռաստրային պատկերները պետք է առանձին թղթապանակով ներառել թվային կրիչի մեջ, կամ տպագրության հանձնելուց առաջ խզել բոլոր ներմուծված ռաստրային պատկերների կապերը և ներառել դրանք վերջնական ֆայլի մեջ` տպագրության ընթացքում բացթողումներից խուսափելու համար:

Այն տպագրական արտադրանքը, որը տպագրվելուց հետո ենթակա է կտրման, պետք է, կտրվող յուրաքանչյուր կողմից, կտրման գծից դուրս ունենա առնվազն 3 մմ ավել տարածք: Տպագրվող աշխատանքի բոլոր կարևոր էլեմենտները պետք է գտնվեն կտրման գծից առնվազն 3-5 մմ ներս:

Տպագրական ֆայլը տպագրության հանձնելիս, հետագայում թյուրիմացություններից խուսափելու նպատակով, խորհորւրդ է տրվում թվային կրիչի հետ միասին տրամադրել նաև գունավոր կամ սև/սպիտակ տպագրված վերջնական նմուշը:

Թղթերի չափերը (ֆորմատները)

Մարդկանց մեծամասնությունը ծանոթ են A սերիայի թղթերին, որոնցից ամենալայն տարածում ունեցողը A4 (210x297 մմ) չափի գրելու թուղթն է, որը կարելի է հանդիպել ցանկացած գրասենյակում: Այս ֆորմատի թղթերը լայն կիրառում ունեն ինչպես տպարաններում, այնպես էլ կենցաղում:
Գոյություն ունի նաև B սերիայի թղթեր, սակայն դրանք ավելի քիչ են կիրառվում:

paper_size

Ստորև ներկայացնում ենք A և B սերիայի թղթերի չափերը`

A0 - 841х1189 մմ B0 - 1000х1414 մմ
A1 - 594х841 մմ B1 - 707х1000 մմ
A2 - 420х594 մմ B2 - 500х707 մմ
A3 - 297х420 մմ B3 - 353х500 մմ
A4 - 210х297 մմ B4 - 250х353 մմ
A5 - 148х210 մմ B5 - 176х250 մմ
A6 - 105х148 մմ B6 - 125х176 մմ
A7 - 74х105 մմ B7 - 88х125 մմ

Կան նաև RA և SRA ստանդարտի թղթեր, որոնք դուք կարող եք հանդիպել տպարաններում: Այս չափի թղթերը մի փոքր ավելի մեծ են A սերիայի թղթերից և ավելի քիչ են կիրառվում:

Ծրարների չափսերը

Ծրարներ դասակարգումը կատարվում է տարբեր ստանդարտներով, որոնցից տարածվածը C սերիան է:
Օրինակ C4 (229х324 մմ) չափի ծրարի մեջ հեշտությամբ տեղավորվում է A4 (210x297 մմ) չափի թուղթ կամ մեկ ամսագիր:

Ստորև ներկայացնում ենք C սերիայի չափերը`

C0 - 917 x 1297 մմ
C1 - 648 x 917 մմ
C2 - 458 x 648 մմ
C3 - 324 x 458 մմ
C4 - 229 x 324 մմ
C5 - 162 x 229 մմ
C6 - 114 x 162 մմ
C7 - 81 x 114 մմ

Նամակագրության համար նախատեսված ամենատարածված չափը DL/E65/Eurostandard (110 x 220 մմ) ստանդարտն է, որի մեջ տեղավորվում է երեք տակ ծալված A4 թուղթ:

Շնորհավորական բացիկների և հրավիրատոմսերի համար նախատեսված են K ստանդարտի ծրարները, դրանք են`

K7 - 90 x 140 մմ
K6 - 125 x 125 մմ
K65 - 125 x 190 մմ
K5 - 145 x 215 մմ
K8 - 150 x 150 մմ

Բարձրանալ վերև^


Մեր Մասին | Ծառայություններ | Ինչպես մեզ գտնել | Օգտակար Խորհուրդներ | Հղումներ

Հեռախոս՝ (010) 569-001, (043) 192-944